Qasym-Jomart Toqaev kórnekti pýblısıst, belgili satırık, Qazaqstannyń eńbek sińirgen qaıratkeri Kópen Ámirbektiń dúnıeden ótýine baılanysty marqumnyń otbasy men jaqyndaryna kóńil aıtý jedelhatyn joldady, dep habarlaıdy Egemen.kz Aqordaǵa silteme jasap.
«Kópen Ámirbekuly birqatar respýblıkalyq basylymdarda uzaq jyldar boıy jemisti jumys istedi. Ulttyq satıra janrynyń damýyna ólsheýsiz úles qosty. Sońyna ádebı mol mura qaldyrǵan Kópen Ámirbekulynyń esimi umytylmaıdy. Marqumnyń ımany salamat, jany jánnatta bolsyn», dep jazylǵan jedelhatta.