Densaýlyq saqtaý mınıstrliginiń derekteri boıynsha Qazaqstanda jiti respıratorlyq vırýstyq ınfeksııalardyń jáne tumaýdyń 2,1 mıllıonnan astam jaǵdaıy tirkelgen, dep habarlaıdy Egemen.kz.
Densaýlyq saqtaý mınıstriniń orynbasary Vıacheslav Dýdnıktiń aıtýynsha, elimizde JRVI jáne tumaý juqtyrǵandar sany kúrt kóbeıgen.
«Sanıtarlyq qyzmettiń málimetinshe, epıdemııa bastalǵaly beri, ıaǵnı 1 qazannan bastap JRVI-diń 2 mln 100 myńnan astam jaǵdaıy tirkeldi. Onyń ishinde 14 jasqa deıingi balalar arasynda - 1 mln 370 myń jaǵdaı anyqtaldy. Biz patogendi zerttedik. Nátıjesinde, V tobyndaǵy vırýs taralyp, ol barlyq derlik aımaqtarda baıqalatyny anyqtaldy. Sondaı-aq sýyq tııýmen syrqattanýshylyqtyń ósýi ótken jylǵy kórsetkishterden orta eseppen 10%-ǵa joǵary», dep naqtylady mınıstrdiń orynbasary brıfıng barysynda.