Memleket basshysyna Saıası qýǵyn-súrgin qurbandaryn tolyq aqtaý jónindegi memlekettik komıssııa materıaldarynyń negizinde daıyndalǵan kóptomdyq tanystyryldy, dep habarlaıdy Egemen.kz Aqordaǵa silteme jasap.
Prezıdent Qasym-Jomart Toqaev Memlekettik keńesshi Erlan Qarınniń Saıası qýǵyn-súrgin qurbandaryn tolyq aqtaý jónindegi memlekettik komıssııanyń jumysy týraly esebin tyńdady. Memlekettik komıssııanyń qyzmeti ǵylymı-zertteý jumystaryna baǵyttalǵan.
Belgili ǵalymdar men sarapshylardan qurylǵan komıssııa músheleri elimizdiń arhıvterinde, jabyq qorlarda aýqymdy zertteýler júrgizdi. Quzyrly memlekettik organdarmen birlesip, vedomstvolyq arhıvterdi qupııasyzdandyrýǵa jáne qýǵyn-súrgin qurbandaryn aqtaýǵa qatysty jumys júrgizilip jatyr. Memleket basshysyna ártúrli qýǵyn-súrgin sanattary boıynsha qujattar men materıaldar negizinde qurastyrylǵan 31 tomdyq qujat tanystyryldy.
Bıyl da Memlekettik komıssııa qýǵyn-súrgin qurbandarynyń tarıhyn zertteý, arhıv qujattaryn sıfrlandyrý jáne elektrondy qorlardy qalyptastyrý baǵytyndaǵy jumysyn jalǵastyra beredi.