2023 jyldyń 10 qańtarynda polıseıler arnaıy operasııa júrgizip, Talǵar aýdany aýmaǵynda sıntetıkalyq esirtki óndiretin zerthanany anyqtady, dep habarlaıdy Egemen.kz.
Esirtki zerthanasy Jańalyq kentindegi úılerdiń birinde jumys istegen.
Polısııa qyzmetkerleri tintý kezinde 8,39 gramm mefedron esirtki zatyn, 30 lıtr mólsherindegi prekýrsorlar, salmaǵy 2 kg 162 gr BK-4, jalpy salmaǵy 2 kg-nan asatyn metılamın, sondaı-aq 20 gramnan astam marıhýanany áshkerelep, tárkiledi. Sonymen qatar esirtki quraldaryn daıyndaýǵa jáne qoldanýǵa arnalǵan túrli zattar tárkilendi.
Atalǵan derek QR QK 297-babynyń 1-bóligi boıynsha Talǵar aýdany PB-da tirkeldi. Kúdikti dep tanylǵan 34 jastaǵy er adam ýaqytsha ustaý ızolıatoryna qamaqqa alyndy.