Memleket basshysy «Abý Dabı turaqty damý aptalyǵy» sammıtinde Qazaqstannyń astyq óndirisi jaıly aıtty, dep habarlaıdy Egemen.kz.
«Qazaqstan astyq óndirisi boıynsha álemde jetinshi oryn alatyn el retinde dúnıejúzilik azyq-túlik tapshylyǵymen kúreste óziniń aýyl sharýashylyǵy áleýetin paıdalanýǵa nıetti. Biz aýǵan halqyna gýmanıtarlyq kómek retinde bıdaı unyn jetkizý úshin Dúnıejúzilik azyq-túlik baǵdarlamasymen, sondaı-aq BUU-nyń Azyq-túlik jáne aýyl sharýashylyǵy uıymymen tyǵyz qarym-qatynasta jumys isteımiz. Osy rette damýshy elderdi azyq-túlikpen qamtamasyz etý úshin Azyq-túlik qaýipsizdigi jónindegi ıslam uıymymen de yntymaqtasa jumys isteýge shaqyramyn», dep atap ótti Qasym-Jomart Kemeluly.