Almaty oblysynda kolonııa bastyǵynyń orynbasary atqaryp otyrǵan laýazymynan bosatyldy, dep habarlaıdy Egemen.kz Polisia.kz-ke silteme jasap.
Qańtar aıynda áleýmettik jelilerde Almaty oblysynyń kolonııasyndaǵy zańsyz kezdesýler týraly aqparat paıda boldy.
QAJ departamenti osy fakti boıynsha qyzmettik tergeý júrgizgen. Tekserý barysynda sottalǵandardyń biriniń týystary mekeme ákimshiligine shaǵymdanǵany anyqtaldy. Kolonııa qyzmetkerlerin zańsyz áreketterge aıyptaı otyryp, sottalǵandardyń týystary shaǵymdaryn buqaralyq aqparat quraldarynda jarııalaýmen qorqytqan. Qoldanystaǵy zańnamany buza otyryp, mekeme bastyǵynyń orynbasary sottalǵandy kolonııaǵa kelgen týystaryna BО́P tory arqyly kórsetýdi tapsyrǵan. Keıinnen bul jaǵdaı BAQ ókilderine sybaılas jemqorlyq quramdas bóligimen zańsyz kezdesý retinde usynylǵan.
Sondaı-aq beınejazbalarda kórsetilgen basqa da faktiler boıynsha qyzmettik tergeý barysynda sybaılas jemqorlyq quramdas bólikteri bar qoldanystaǵy nusqaýlyqtardyń buzylýy anyqtalǵan joq.
Sonymen qatar qyzmettik tergeý nátıjeleri boıynsha mekeme bastyǵynyń orynbasary jiberilgen buzýshylyqtar úshin atqaryp otyrǵan qyzmetinen bosatyldy.
Budan basqa birqatar basqa da qyzmetkerler, onyń ishinde mekeme basshysy qatań tártiptik jaýapkershilikke tartyldy.