Almaty oblysynda 12 jastaǵy jasóspirimdi uryp-soǵý faktisi tirkeldi. Mekteptegi tóbeles kezinde 5-synyp oqýshysy basynan jaraqat alyp, mıy shaıqalǵan, dep habarlaıdy Egemen.kz.
Belgili bolǵandaı, 6-synyp oqýshysy 5-synyp oqýshysyn dálizde oryn bermegeni úshin soqqyǵa jyqqan. Basynan alǵan soqqydan keıin jasóspirim edenge qulaǵan. Jaraqat alǵan oqýshy aýrýhanaǵa jatqyzyldy. Qazir bala palatada.
«Shaǵym túsken kezde bas aýrýy, bas aınalý, júrek aıný, qusý paıda boldy. Qazir balanyń jaǵdaıy turaqty. Bala qazir azdy-kópti belsendi, biraq áli de tósek demalysyn qajet etedi», dedi dáriger.
Jábirlenýshiniń anasy polısııaǵa aryzdanǵan. Qazirdiń ózinde bul oqıǵany kámeletke tolmaǵandar isi jónindegi komıssııa tekserip jatyr.