Dúnıejúzilik densaýlyq saqtaý uıymynyń (DDSU) bas dırektory Tedros Adanom Gebreıesýs 2023 jyly COVID-19 pandemııasy aıaqtalatynyna senim bildirdi. Bul týraly ol densaýlyq saqtaý salasyna qosqan úlesi úshin kishi Tomas Frensıs medalin tapsyrý kezinde aıtty, dep habarlaıdy Egemen.kz gazeta.ru saıtyna silteme jasap.
«Bıyl qandaı da bir ýaqytta COVID-19, qoǵamdyq densaýlyq saqtaý aımaǵyndaǵy halyqaralyq alańdaýshylyq týdyratyn tótenshe jaǵdaı jáne pandemııa retinde aıaqtaldy dep aıta alatynymyzǵa senimdimin», dedi Gebreıesýs.
Sonymen qatar ol 11 naýryzda DDU alǵash ret COVID-19 indetin pandemııa dep jarııalaǵanyna úsh jyl tolǵanyn atap ótti. Onyń aıtýynsha, qazir álem pandemııa kezindegiden áldeqaıda jaqsy jaǵdaıda.