Qazaqstan Respýblıkasy Parlamenti Májilisi depýtattarynyń kezekten tys saılaýynda Koreıa Respýblıkasyndaǵy jáne Japonııadaǵy Qazaqstan Respýblıkasynyń azamattary alǵashqylardyń qatarynda ózderiniń konstıtýsııalyq daýys berý quqyǵyn paıdalandy, dep habarlaıdy Egemen.kz Syrtqy ister mınıstrliginiń baspasóz qyzmetine silteme jasap.
Seýldegi saılaýǵa birinshi bolyp daýys bergen qazaqstandyq kýrsant Elnur Asanov boldy.
«Bul saılaý elimizdiń ekonomıkalyq damýy úshin jańa múmkindikter ashady dep kútemin. Transformasııa memleketimizge qajet, ol eldiń durys baǵytta damýyna qýatty serpin beredi dep oılaımyn. Men Qazaqstan Respýblıkasynyń azamaty retinde azamattyq boryshymdy ótep, óz úlesimdi qosqym keledi! Elimizge qýat pen órkendeý tileımin!», dedi Elnur.