Búgin Ortalyq saılaý komıssııasy kúni boıy ýchaskelerdiń ashylýy jáne daýys berýdiń bastalýy týraly aqparat berip otyrdy, sondaı-aq árbir eki saǵat saıyn QR OSK músheleri daýys berýshilerdiń kelýi týraly oblystardyń, respýblıkalyq mańyzy bar qalalardyń, elordanyń aýmaqtyq komıssııalarynyń derekterin jarııalady, dep habarlaıdy Egemen.kz.
Respýblıka boıynsha ýchaskelerde daýys berý saǵat 20.00-de aıaqtaldy.
Respýblıka aýmaǵyndaǵy saǵat beldeýleriniń shekaralaryna sáıkes bes óńirde (Aqtóbe, Atyraý, Batys Qazaqstan, Qyzylorda jáne Mańǵystaý oblystary) daýys berý elorda ýaqyty boıynsha saǵat 21.00-de aıaqtaldy.
Oblystardyń, respýblıkalyq mańyzy bar qalalardyń, elordanyń komıssııalary usynǵan derekterge sáıkes, 2023 jylǵy 19 naýryzda elorda ýaqytymen saǵat 22.10-daǵy jaǵdaı boıynsha tizimderge engizilgen azamattardyń jalpy sanynyń 54,19% bıýlletender aldy.
Onyń ishinde:
1. Abaı oblysy boıynsha – 57,02%
2. Aqmola oblysy boıynsha – 60,01%
3. Aqtóbe oblysy boıynsha – 58,00%
4. Almaty oblysy boıynsha – 60,03%
5. Atyraý oblysy boıynsha – 51,23%
6. Batys Qazaqstan oblysy boıynsha – 59,20%
7. Jambyl oblysy boıynsha – 65,21%
8. Jetisý oblysy boıynsha – 55,32%
9. Qaraǵandy oblysy boıynsha – 59,48%
10. Qostanaı oblysy boıynsha – 65,10%
11. Qyzylorda oblysy boıynsha – 67,21%
12. Mańǵystaý oblysy boıynsha – 54,10%
13. Pavlodar oblysy boıynsha – 58,68%
14. Soltústik Qazaqstan oblysy boıynsha – 65,25%
15. Túrkistan oblysy boıynsha – 53,01%
16. Ulytaý oblysy boıynsha – 58,99%
17. Shyǵys Qazaqstan oblysy boıynsha – 64,15%
18. Astana qalasy boıynsha – 42,91%
19. Almaty qalasy boıynsha – 25,82%
20. Shymkent qalasy boıynsha – 45,46%