Antıkor Almaty oblysynyń sýdıasy men Memlekettik kirister departamentiniń qyzmetkerine qatysty tergeý júrgizip jatyr, dep habarlaıdy Egemen.kz atalǵan vedomstvonyń baspasóz qyzmetine silteme jasap.
Almaty oblysy boıynsha Sybaılas jemqorlyqqa qarsy qyzmet Mamandandyrylǵan aýdanaralyq ekonomıkalyq oblystyq sottyń sýdıasyna jáne Almaty oblysy Memlekettik kirister departamenti bólimshesiniń qyzmetkerine qatysty sotqa deıingi tergeý júrgizip jatyr.
Sýdıa memleket aldynda salyq bereshegi bar 2 kásiporyndy bankrot dep taný týraly azamattyq ister boıynsha sheshim shyǵarǵany úshin salyq organy qyzmetkeriniń deldaldyǵymen para aldy dep kúdiktenedi.
QPK-niń 201-babyna sáıkes tergeý múddesi úshin ózge aqparat jarııa etýge jatpaıdy.
Konstıtýsııanyń 77 - baby 3-tarmaǵynyń 1 tarmaqshasyna jáne Qylmystyq-prosesstik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kiná sottyń zańdy kúshine engen úkimimen belgilengenge deıin árqaısysy kinásiz dep esepteledi.