Qazaqstan musylmandary dinı basqarmasynyń tóraǵasy, bas múftı Naýryzbaı qajy Taǵanuly Qasqa Jol Youtube arnasyna bergen suhbatynda balalardyń oraza ustaýyna qatysty daýly máselege pikir bildirdi, dep habarlaıdy Egemen.kz.
«Sharıǵat boıynsha balıǵat jasyna tolǵan, deni saý adam oraza ustaýǵa mindetti. Al balalarǵa kelsek, eger balıǵat jasqa tolmasa, mindetti emes. Oraza ustaý, namaz oqý – bireýge kórsetý úshin jasalatyn qulshylyq emes. Men ózim on jasymnan bastap aýyz bekitkenmin. Ol kezde tipti ata-anamyz ustamaıtyn. Alǵashynda úsh kúnnen bastap, keıin tolyqtyryp ustap úırendik. Iаǵnı, balıǵat jasyna tolmastan ustadyq. Eger bir bala balıǵatqa tolmaı ustaımyn dese, densaýlyǵyna zııan kelmese, basqa da qıynshylyqtar týdyrmasa, ony jazalaý da durys emes. Bizge «mektepte uıyqtap jatty» dep habarlasqan adamdar boldy. Árıne, bala álsirese, sabaǵy durys bolmasa, ózi balıǵat jasyna tolmasa, árıne, olaı balanyń densaýlyǵyna zııan tıgizý durys emes. Al balaǵat jasyna tolǵan adamǵa oraza ustaý qıyndyq týdyrmaıdy», dedi Naýryzbaı Taǵanuly.