Atyraý áýejaıy jolaýshylarǵa sapasyz qyzmet kórsetkeni úshin ákimshilik jaýapkershilikke tartyldy, dep habarlaıdy Egemen.kz Azamattyq avıasııa komıtetiniń baspasóz qyzmetine silteme jasap.
Azamattyq avıasııa komıteti qoldanystaǵy zańnama talaptaryn buzǵany úshin azamattyq avıasııa sýbektilerin ákimshilik jaýapkershilikke tartý boıynsha jumysty jalǵastyryp jatyr.
«Osylaısha, «Qazaqstannyń avıasııalyq ákimshiligi» AQ jerústi qyzmet kórsetý qyzmetteriniń (jumystarynyń) sapasyn baqylaý men qadaǵalaýdy júzege asyrý sheńberinde 2022 jylǵy 27 jeltoqsanda 2021 jyly ınspeksııalyq tekserý qorytyndylary boıynsha anyqtalǵan eskertýlerdi oryndaý jáne joıý boıynsha Atyraý áýejaıyna jospardan tys ınspeksııalyq tekserý júrgizildi», delingen Azamattyq avıasııa komıtetiniń baspasóz qyzmetiniń habarlamasynda.
Qorytyndy tekserý barysynda jolaýshylarǵa kórsetiletin qyzmetterdiń sapasyna áser etetin buzýshylyqtar, atap aıtqanda, jolaýshylar lıftiniń bolmaýy, júrip-turýy shekteýli jolaýshylarǵa qyzmet kórsetý úshin sharttardyń zańnamalyq talaptarǵa sáıkes kelmeýi anyqtaldy, sondaı-aq 2021-2022 jyldarǵa arnalǵan túzetý is-qımyldary josparynyń oryndalmaý faktisi anyqtaldy.
Tekserý nátıjeleri boıynsha ınspektorlyq nusqama jazylyp, oryndalý merzimi 1 aı bolatyn anyqtalǵan eskertýlerdi joıý jónindegi is-qımyl jospary jasaldy.