WMMAA boıynsha álem chempıony Shavqat Rahmonov «ArselorMıttal Temirtaý» AQ metallýrgııa kombınatynda meıman boldy.
Shavqat Rahmonov – UFC aıasynda jartylaı orta salmaqta óner kórsetetin qazaqstandyq aralas jekpe-jek sheberi. Ol WMMAA boıynsha álem chempıony jáne Azııa chempıony retinde jastarǵa úlgi bolyp, aty ańyzǵa aınaldy.
Qazaqstan Prezıdenti Qasym-Jomart Toqaev Shavqat Rahmonovty jeke qabyldaı otyryp, ol sııaqty myqty sportshylardyń jeńiske degen erik-jigeri men jetistigi jas urpaqty qanattandyryp, jastardy salaýatty ómir saltyn ustanýǵa jeteleıtinin atap ótken bolatyn.
Shavqat Rahmonov elimizdegi eń iri metallýrgııa kásiporyndarynyń birine barýdy kópten beri armandap júr eken. Sebebi, shoıynnyń qalaı soǵylatynyn kórý – rıngtegi jekpe-jekten kem emes ǵajap kórinis. «ArselorMıttal Temirtaý» kompanııasynyń basshylyǵy chempıonǵa osy múmkindikti usyndy. Álbette, áýeli atalǵan aksıonerlik qoǵamnyń Bas dırektory Vladımır Iаblonskıımen kezdesý boldy. Vladımır Ivanovıch meımanǵa kompanııa, onyń enshiles kásiporyndary jáne qol jetkizilgen jetistikter jaıly áńgimelep berdi.
- Bizdiń kompanııamyz – turaqty kásiporyn. Kompanııanyń ómirlik sıkliniń kez kelgen kezeńinde, meıli ol qalyptasý, ósý nemese tipti daǵdarys bolsyn, kombınatta jumys isteıtinder árdaıym turaqtylyqty sezinedi. Bizdiń komandamyzda óz isin biletin jáne jaqsy kóretin mamandar jumys isteıdi. Shavqat, siz, sportshy, chempıon retinde jeńiske qalaı jetýge bolatynyn eshkimnen kem bilmeısiz. Tek qıyndyqtardy jeńe otyryp, chempıon, kásipqoı bola alasyz. Bizdiń kásiporynda kóptegen sportshy jumys isteıdi. Bir kezde men de sambomen aınalystym jáne sport árkimniń ómirinen oryn alýy kerek dep sanaımyn, - dedi Vladımır Iаblonskıı.Shavqat Rahmonov Qaraǵandy óńirin óziniń týǵan jerindeı kóredi. О́ıtkeni sportshy uzaq ýaqyt boıy osynda turyp, jattyqty. Ol úshin Qazaqstannyń eń iri metallýrgııa kombınatyna barý tolqynysty da qýanyshty boldy.
- Qaraǵandy jeri talanttar men týma daryndarǵa baı. Ásirese sportta talaı chempıon tárbıelendi. Naq osy jerde adam minezishyńdalady, - dep atap ótti Vladımır Iаblonskıı.Al arnaıy medal tapsyrý – chempıon úshin jaǵymdy tosynsyı boldy. Bul marapattyń sporttyq jetistikterge tikeleı qatysy bolmasa da, Shavqat kompanııanyń arnaıy medalin óziniń sporttyq jetistikteri úshin alǵan medaldarynyń eshqaısysynan kem kórmeıtinin aıtty.
«ArselorMıttal Temirtaý» kompanııasynyń basshylyǵymen kezdesýden keıin kásiporyn jumyskerleri men olardyń balalary chempıonmen júzbe-júz jolyǵyp, birge sýretke túsip, avtograf aldy. Ásirese kishkentaı jankúıerlerdiń qýanyshynda shek bolmady.Shavqat Rahmonov óziniń «ArselorMıttal Temirtaý» AQ metallýrgııa kombınatyna dostyq sapary týraly Qurmetti qonaqtar kitabyna estelik jazba qaldyrdy. Sodan keıin kıimin aýystyryp, qaýipsizdik tehnıkasy boıynsha nusqaýlyqtan ótken soń kombınattyń júregi – №3 domna peshine kelip, shoıyn synamasyn aldy. Chempıonnyń aıtýynsha, bul úderis keremet tańǵalarlyqtaı eken. Biraq sportshy tek ózi kórgen sulýlyqty, aýqymdylyq pen tartymdylyqty ǵana baǵalaǵan joq. Ol metallýrg eńbegi eń aýyr jumystyń biri ekenin moıyndady.
- Temirtaýda, osyndaı iri metallýrgııa kombınatynda men alǵash ret bolyp turmyn, - dedi chempıon.
- Domna peshiniń qalaı jumys isteıtinin kórý, metallýrgtermen sóılesý óte áserli boldy. Kombınattaǵy jumys aýyr eken, joǵary temperatýra, úzdiksiz óndiris. Búgin men shoıyn synamasyn alyp kórdim. Bul aýyr jumys bolyp shyqty. Kombınatta, shynynda da, myqty adamdar jumys isteıdi eken!
Shavqat Rahmonov metallýrgtiń jumysy sportshy eńbegine uqsaıtyn udaıy aýyr eńbek ekenin atap aıtty.
Kezdesý sońynda chempıon «ArselorMıttal Temirtaýdyń» barlyq jumyskerine baǵyshtap: «Qymbatty dostar, sizderge zor densaýlyq jáne eńbekte tabys tileımin!», dep izgi nıetin bildirdi.