Astanada qurylystyń bastapqy satysyndaǵy úleskerlerdiń aqshasyn tartýǵa tıisti ruqsaty joq qurylys uıymdarynyń tizimi jańardy, dep habarlaıdy Egemen.kz elorda ákimdiginiń baspasóz qyzmetine silteme jasap.
Qoldanystaǵy zańnamany aınalyp ótý kezinde jasalǵan barlyq mámileler, onyń ishinde aldyn ala brondaý sharty, rezervteý sharty, ınvestısııalaý sharty, talap etý quqyǵyn basqaǵa berý sharty tizimde kórsetilgen kóppáterli turǵyn úı keshenderinde jaramsyz bolyp sanalady.
Astana ákimdigi azamattardan qyraǵy bolýdy suraıdy jáne ruqsat berý qujattary (qurylysqa ruqsat, «Jobalardyń memlekettik vedomstvodan tys saraptamasy» ShJQ RMK oń qorytyndysy) bolmaǵan kezde turǵyn úı satyp alýdan bas tartqan jón ekenin eske salady.
Aıta ketsek, úleskerlerdiń qarajatyn tıisti ruqsatsyz qabyldaýǵa «Turǵyn úı qurylysyna úlestik qatysý týraly» Qazaqstan Respýblıkasynyń zańnamasymen tyıym salynady, bul rette Qazaqstan Respýblıkasynyń Ákimshilik quqyq buzýshylyq týraly Kodeksiniń 320-baby, sondaı-aq Qazaqstan Respýblıkasy Qylmystyq kodeksiniń 214-baby boıynsha kásipkerlik qyzmettiń tyıym salynǵan túrlerimen aınalysqany úshin jaýapkershilik kózdelgen.
Úleskerlerdiń tizimimen myna silteme arqyly tanysýǵa bolady.