Almaty oblysynda er adam mal baǵyp júrip álsiregen qar barysyn kezdestirip, dereý quzyrly organdarǵa júgingen, dep habarlaıdy Egemen.kz.
«Almaty oblysynda turǵyndar qorshaýǵa qamalǵan qar barysyn vıdeoǵa túsirgen. Oqıǵanyń Almaty oblysy Narynqol aýylynda bolǵany aıtylǵan. Qyzyl kitapqa engen janýardy nege qamap qoıǵan? О́kinishke qaraı, ol jaǵyn anyqtaý múmkin bolmady», delingen jazba astynda.
Orman sharýashylyǵy jáne janýarlar dúnıesi komıteti jelidegi jarııalanymǵa qatysty túsinikteme berdi.
«19 sáýir kúni Almaty oblysy Raıymbek aýdandyq polısııasynyń kezekshi bólimine Sarybastaý kentiniń turǵyny mal jaıý kezinde álsiregen qar barysy (artqy aıaqtarynyń qozǵalys fýnksııalary buzylǵan) kezikkeni jaıly habar tústi. Oqıǵa ornyna «Ohotzooprom» О́B» RMQK ınspektorlary, Raıymbek aýdany polısııa bólimi qyzmetkeri men tabıǵat qorǵaý polısııasy baryp, tıisti akt toltyryldy», delingen resmı habarlamada.
Sondaı-aq komıtet Qyzyl kitapqa engen janýar 20 sáýir kúni Almaty haıýanattar baǵyna jetkizilgenin málimdedi.