Almaty oblysynyń Kóliashy aýylynda áke men onyń tórt balasy belgisiz zattan ýlanyp, qaıtys boldy, dep habarlaıdy Egemen.kz.
Oblystyq TJD málimetinshe, qaıǵyly oqıǵa 4 mamyrda bolǵan.
«Jeke turǵyn úıde 6 adam (2 eresek jáne 4 bala) belgisiz zattan ýlanǵan. Saldarynan 1984 jyly týǵan er adam (ákesi) men tórt balasy (2010 jylǵy qyzy jáne 2008, 2013, 2018 jyly týǵan uldary) qaıtys boldy», dep habarlady Almaty oblysy Tótenshe jaǵdaılar departamentiniń baspasóz qyzmeti.
Sondaı-aq 1985 jyly týǵan áıel (balalardyń anasy) aýrýhanaǵa jatqyzylǵan. Qazirgi tańda onyń jaǵdaıy turaqty, onymen psıhologtar jumys istep jatyr.
«О́limniń aldyn ala sebebi - belgisiz zattan ýlaný. Mán-jaıdy anyqtaý úshin tótenshe jaǵdaılar departamentiniń órtke qarsy ǵylymı-zertteý zerthanasy, gaz qyzmeti men SES shuǵyl túrde shaqyrtý ornyna jiberildi», delingen habarlamada.