Memleket basshysynyń Jarlyǵymen qyzmettik boryshyn atqarýda kórsetken batyldyǵy men janqııarlyǵy úshin Tótenshe jaǵdaılar mınıstrliginiń Almaty qalasy Tótenshe jaǵdaılar departamenti órt sóndirý jáne avarııalyq-qutqarý jumystary qyzmeti №7 órt sóndirý bóliminiń aǵa órt sóndirýshi-qutqarýshysy Arslan Joldasbekuly Qurmanbekov III dárejeli «Aıbyn» ordenimen nagradtaldy, dep habarlaıdy Egemen.kz Aqordanyń baspasóz qyzmetine silteme jasap.
Qurmanbekov Arslan Joldasbekuly – azamattyq qorǵanys serjanty.
1994 jyly 23 tamyzda Almaty oblysy Talǵar aýdany Talǵar qalasynda dúnıege kelgen.
Eńbek jolyn Almaty qalasy TJD «О́SjAQJQ» MM №9 mamandandyrylǵan órt sóndirý bóliminde órt sóndirýshi-qutqarýshy retinde bastaǵan.
Almaty qalasy TJD «О́SjAQJQ» MM №1 órt sóndirý bóliminde órt sóndirýshi, aǵa órt sóndirýshi-qutqarýshy bolyp qyzmet atqarǵan.
Tótenshe jaǵdaılar mınıstrligi Almaty qalasy Tótenshe jaǵdaılar departamenti órt sóndirý jáne avarııalyq-qutqarý jumystary qyzmeti №7 órt sóndirý bóliminiń aǵa órt sóndirýshi-qutqarýshysy laýazymyna 2019 jyly taǵaıyndalǵan.
Bıyl 8 mamyrda Arslan Qurmanbekov Ile-Alataý tabıǵı parkiniń taý bókterindegi órtti sóndirgen jedel toptyń quramynda qyzmettik boryshyn atqara júrip, qaıǵyly jaǵdaıda qaza tapty.