Bıylǵy aqpannan bastap ár medısınalyq qyzmet túri boıynsha ər emhanaǵa naqty belgilengen «Shektik» shkala mehanızmi engizildi. Májilis depýtaty Ashat Aımaǵambetov MÁMS máseleleri týraly Úkimet saǵatynda atalǵan mehanızmniń azamattardyń beıin boıynsha mamandarǵa kórinýi úshin qıyndyq əkeletinin aıtty, dep habarlaıdy Egemen.kz tómengi palatanyń baspasóz qyzmetine silteme jasap.
«Adam qolyn, ne aıaǵyn qashan syndyryp alatynyn, kimde ınfarkt bolatynyn, kim ýlanyp qalatynyn aldyn ala qalaı boljaı alady? Aýrýhanaǵa kelgen naýqasqa «Shektik» shkala sheńberinde osy aıda aqsha taýsyldy dep, kelesi aılardy kútý kerek dep túsindirý de nonsens», dedi depýtat.
Ashat Aımaǵambetov saılaýshynyń ózine jazǵan hatyn da oqyp berdi. Naýqas úsh aıda óziniń syrqatyna em alýy úshin terapevtke, onkologqa barsa, onkolog qaıta terapevtke jumsaıtynyn aıtyp shaǵymdanǵan. Depýtat mundaı jaǵdaı kúndelikti oryn alatynyn synady.