Memleket basshysy Qasym-Jomart Toqaev IT ındýstrııasynyń sońǵy úrdisteri men damý perspektıvalary talqylanǵan Digital Bridge forýmynda oqyǵan baıandamasyn osylaı túıindedi, dep habarlaıdy Egemen.kz Aqordanyń baspasóz qyzmetine silteme jasap.
«Qazir biz saıası júıeni túbegeıli jańǵyrtyp jatyrmyz. Bilim men jańa tehnologııany negizge alatyn ekonomıka qura bastadyq. Ádiletti Qazaqstanda ár azamattyń jan-jaqty damýyna múmkindik bolady. Sondaı-aq halyqtyń ál-aýqatyn jaqsartýǵa basa mán beremiz. Biz sıfrlyq nomadtardyń, ıaǵnı myqty IT-mamandardyń Qazaqstanǵa kelip, jumys isteýine barynsha qolaıly jaǵdaı jasaımyz. Innovasııalyq kásipkerlikti jáne kreatıvti ındýstrııany damytamyz», dedi Memleket basshysy.
Prezıdent jahandyq tehnologııalyq revolıýsııanyń sharapaty ár eldiń ósip-órkendeýine, adamzat balasynyń damyǵan jáne ádiletti qoǵamda ómir súrýine septigin tıgizýi tıis ekenin aıtty.