Astana qalasynda para hokkeıden elimizde alǵash ret ótip, máresine jetken álem chempıonatyna Fınlıandııa, Slovakııa, Shvesııa, Ulybrıtanııa, Japonııa Qazaqstan quramalary, ıaǵnı 6 komanda qatysty, dep jazady Egemen.kz elorda ákimdiginiń resmı saıtyna silteme jasap.
«2021 jyly ǵana qurylǵan komanda bir jyl ishinde S dıvızıonynda 2-oryn alyp, joǵarǵy lıgaǵa úmitti boldy. Degenmen jarys barysy Qazaqstannyń laıyqty deńgeıin kórsetti. Bizdiń qurama V dıvızıondyq ornyn saqtaı otyra, dodany sátti támamdady. Endigi josparymyz 2024 jyly V dıvızıonynyń kezekti oıyndary ótedi. Ázirge bizdiń maqsatymyz – álem chempıonatyna jaqsylap ázirlenip, bıylmen salystarǵanda joǵary nátıje kórsetý», deıdi Qazaqstan ulttyq quramasy keńesshisi Nıkolaı Sharshýkov.
Qazaqstan sportshylary saıystyń sońǵy oıynynda Ulybrıtanııa komandasyn 4:3 kórsetkishimen utyp, týrnırdiń jalpy reıtınginde tórtinshi orynǵa taban tiredi.
Chempıonat nátıjesi boıynsha Japonııa men Slovakııa quramalary A-pool para hokkeıden álem chempıonatyna qatysýǵa joldama aldy.
Atalǵan týrnırdiń uıymdastyrýshylary – Týrızm jáne sport mınıstrligi, SportQory, «Samuryq-Qazyna» AQ, «Qazaqstan halqyna» qory, Qazaqstannyń Ulttyq paralımpıada komıteti jáne Astana qalasynyń sport basqarmasy.