Prezıdenttiń Jarlyǵymen Qazaqstannyń halyq ártisi ataǵyn alǵan áıgili ánshi Dımash Qudaıbergen ınstagram paraqshasynda elimizdiń aıtýly merekesi Respýblıka kúnimen quttyqtap, arhıvtik beınejazba jarııalady.
«Ardaqty Alash jurty! Barlyq quttyqtaý-tilekterińizge kóp raqmet! Kezinde Qonaev Dinmuhammed Ahmetuly: «Men qansha bıikke kóterilsem de, halqymnan bıik emespin», dep halqymyzdy qanshalyqty qurmetteıtinin kórsetken edi. Men de el-jurtymnyń aq peıilinen, ystyq yqylasynan artyq bıik qurmet joq der edim. О́nerimniń órleýi eldiń batasynan ekenin tereń uǵynamyn. «Erim» deıtin el barda, «elim» deıtin erler týady. Qaı memlekette, qaı jerde júrsem de elimniń abyroıy bıik bolsa eken dep tileımin. Qurmetti aǵaıyn, memleketimizdiń basty merekesi «Respýblıka kúni» meıramymen barshańyzdy quttyqtaımyn!
Sonymen birge jas bolsam da bar nıetimen qurmet qylyp, marapattap jatqan Memleket basshysy Qasym-Jomart Kemelulyna shyn júrekten alǵys aıtqym keledi», degen Qazaqstannyń halyq ártisi Dımash Qudaıbergen arhıvtik beınejazba jarııalady.
Onda 1999 jyly 5 jasynda kópshiliktiń aldynda óziniń ónerin kórsetken balaqaıǵa kópshilik yqylaspen qol soǵyp jatqany beınelengen.
Sonda júrgizýshi: «Qurmetti kórermender, 2030 jyl dep oılańyzdańyzdar, sahnada óner kórsetken Qazaqstannyń halyq ártisi Aıtbaev Dinmuhamed Qanatuly» dep tanystyrady.
Arada 24 jyl ótkende Dımash Qudaıbergenge Qazaqstannyń halyq ártisi ataǵy berildi.