Aqtóbe oblysyna jumys saparymen barǵan Memleket basshysy Qasym-Jomart Toqaev Aqtóbedegi keramogranıt jáne qysh plıtalar shyǵaratyn zaýytty aralady, dep habarlaıdy Egemen.kz Aqordaǵa silteme jasap.
«Prezıdent «Zerde-Keramıka Aqtóbe» jaýapkershiligi shekteýli seriktestiginiń jumysymen tanysty. Indýstrıaldy aımaqta ornalasqan óndiristik nysannyń aýmaǵy – 15 gektar. Zaýyt jylyna 5 mıllıon sharshy metr ónim óndiredi. Zaýyttyń atqarýshy dırektory Dáýren Bıtemirovtiń aıtýynsha, munda shyǵarylatyn keramogranıt pen qysh plıtalar Qazaqstannyń batys óńirleriniń suranysyn tolyǵymen óteıdi. Sonymen qatar Reseı, Tájikstan, Qyrǵyzstan, О́zbekstan elderine de eksporttalady. О́ndiristiń barlyq jumysy tolyqtaı avtomattandyrylǵan. Bul zaýyttyń ereksheligi sanalady. Júıe ıtalııalyq SACMI fırmasynyń zamanaýı qondyrǵysy arqyly basqarylady. Nysanǵa 9,2 mıllıard teńge kóleminde ınvestısııa tartyldy», delingen aqparatta.
«О́ndiristi damytý qory» aksıonerlik qoǵamynan zaýytqa qajetti qondyrǵylar satyp alý úshin memleket 7,5 mıllıon eýro kóleminde nesıe alýǵa qoldaý kórsetken.