Túrkııa chempıonatynyń 15-týry aıasynda «Ankaragıýdjıý» men «Rızespor» arasyndaǵy match sońy tóbeleske ulasty. Oıynnan keıin «Ankaragıýdjıý» komandasynyń prezıdenti alańǵa atyp shyǵyp, bas tóreshi Halıl Ýmýt Melerge judyryq jumsady, dep jazady Egemen.kz Prosports.kz-ke silteme jasap.
Túrkııa chempıonatynyń 15-týrynda atalǵan komandalar 1:1 esebimen teń túsken. Bas tóreshi Meler alǵashqy taımda «Ankaragıýdjıý» komandasy soqqan goldy esepke almaı, oıynnyń 50-shi mınýtynda osy komandanyń bir oıynshysyna qyzyl qaǵaz kórsetken.
Oıyn sońyna deıin on oıynshymen qalýǵa májbúr bolǵan komandaǵa 97-mınýtta qarsylastary gol soǵyp ketken.
Osy is-áreketterge shamdanǵan «Ankaragıýdjıý» prezıdenti alańǵa atyp shyǵyp, tóreshiniń betinen urǵan.
Sońynan oǵan alańdaǵy basqa adamdar da qosylyp tóreshini tepkiniń astyna alǵan.
Halıl Ýmýt Melerge alǵashqy medısınalyq kómek kórsetilip, keıinnen aýrýhanaǵa jatqyzylǵan.