Taıaýda «Adyrna» ulttyq portaly áleýmettik jeli arqyly jalpyhalyqtyq daýys berý saýalnamasyn uıymdastyrdy. Maqsat – jyldyń úzdik depýtatyn anyqtaý.
Saýalnama qorytyndysy boıynsha, halyqtyń eń kóp daýysyn jınaǵan «Aq jol» partııasynyń depýtaty Qazybek Isa «Jyldyń úzdik depýtaty» ataǵyna laıyq dep tanyldy. Qazybek Jarylqasynuly Májilis minberinen ulttyq qundylyq, el, jer jáne memlekettik til máselesine qatysty ótkir de ózekti taqyryptardy qozǵap keledi. Mysaly, bıyldyń ózinde depýtattyń kótergen aýyz sý, dinı radıkalızmge qatysty saýaly kóptiń kókeıindegisin dóp basty.
Saýalnamaǵa belsendi qatysyp, daýys bergen saılaýshylaryna alǵysyn bildirgen depýtat: «Bul jerde másele báıge, ataq, júlde alýda emes. Halyq ózi tańdaǵan qalaýly depýtatyna eshqandaı burmalaýsyz daýys berýinde bolyp tur. Sondyqtan elimiz boıynsha jappaı daýys berýge ýaqyttaryn qıyp, qalaýly tulǵasyn jeńimpazǵa aınaldyrýda eńbek sińirgen sizderdiń árqaısyńyzǵa da aıtar alǵysym sheksiz.
Ádilettilik úshin tize qosylǵan jerde jetistik, birlik bar jerde – tirlik, yntymaq túbi – yrys bolatynyn kórsetken halyqqa, árqaısyńyzǵa qurmetim zor», dep aqjarma tilegin bildirdi.
Saýalnama nátıjesi boıynsha 2-oryndy «Amanat» partııasynyń depýtaty Rınat Zaıytov ıelense, 3-orynnan «Respublica» partııasynan Rýslan Berdenov kórindi.