Búgin tańerteń Almaty metropolıteni nelikten jumys istemeı qalǵany belgili boldy, dep habarlaıdy Egemen.kz.
Áleýmettik jelide Almatydaǵy metronyń jumysy toqtaǵany týraly vıdeolar tarady. Osydan keıin Almaty metropolıteni jaǵdaıdy túsindirdi.
«26 qańtar tańǵy ýaqytta Raıymbek beketinde aqparattyq baılanys jelisiniń jumysynan aqaý tabylýyna baılanysty metro poıyzdary qolmen basqarý rejımine aýystyryldy. Osy oraıda barlyq beketterde poıyzdardyń júris ıntervaly ýaqytsha uzardy. Bul metrodaǵy júrý qaýipsizdigine esh áser etken joq. Mamandar jumys istep, kóp uzamaı úırenshikti ınterval qaıta qalpyna keldi. Qolaısyzdyq úshin keshirim ótinemiz», delingen habarlamada.
Qazir Almaty metropolıteni shtattyq rejımde jumys istep tur.