Májilistiń búgingi jalpy otyrysynda «qandas» mártebesin berý jetildiriletini aıtyldy. Túzetýlerdi ekinshi oqylymǵa daıyndaý barysynda depýtattar «qandas» mártebesin berý tártibin jetildirýge baǵyttalǵan jańa norma ázirledi, dep jazady Egemen.kz Májilistiń baspasóz qyzmetine silteme jasap.
«Qandas» mártebesin jáne Qazaqstan azamattyǵyn alý úshin ótinish bildirgen adamdardyń ulty qazaq ekenin anyqtaý tártibi jergilikti atqarýshy organdardyń quzyretine kiredi. Sondaı-aq qandastardy qabyldaýdyń óńirlik kvotasyna etnıkalyq qazaqtardyń jeke otbasy músheleri, qandastardyń jesirleri jáne olardyń ortaq balalary engiziletin» norma kúshine enedi.
Sonymen qatar azamattyq alýdyń ońaılatylǵan tártibin qoldana alatyn adamdar sanaty keńeıtildi. «Endi elimizde zańdy túrde turaqty turatyn Qazaqstan Respýblıkasy azamattarynyń jesirleri turý merzimine qaramastan ońaılatylǵan (tirkeý) tártippen Qazaqstan azamattyǵyn ala alady. Sondaı-aq bul qatarǵa halyqaralyq sharttar negizinde ońaılatylǵan tártippen Qazaqstan azamattyǵyn alýǵa quqyǵy bar adamdar da kiretini» aıtylǵan aqparatta.