Prezıdent Ákimshiliginiń kelisimimen Aqtóbe oblysy ákiminiń orynbasary laýazymyna Asylbek Esimqanuly Esenbaev taǵaıyndaldy, dep habarlaıdy Egemen.kz oblys ákimdiginiń resmı saıtyna silteme jasap.
Asylbek Esenbaev 1977 jyly Aqtóbe oblysynda dúnıege kelgen. 1998 jyly – Qazaq memlekettik basqarý akademııasyn támamdaǵan. Saıası ǵylymdar kandıdaty.
Eńbek jolyn 2001 jyly «Qazaqstannyń damý ınstıtýty» jaýapkershiligi shekteýli seriktestiginiń ǵylymı qyzmetkeri bolyp bastap, «Strategııa» taldaý ortalyǵynyń sarapshysy, dırektorynyń orynbasary, «KEGOC» AAQ «Sarbaı júıearalyq elektr jelileri» fılıalynyń ekinshi sanattaǵy esepshisi, «Transstroı» korporasııasy» AAQ otandyq fılıalynyń ekonomısti, bas ekonomısti bolyp jumys istedi.
2005-2008 jyldary Prezıdent Ákimshiliginiń áleýmettik-saıası bóliminiń bas mamany, QR Memlekettik hatshysy hatshylyǵynyń bas sarapshysy, QR Qaýipsizdik Keńesiniń Ahýaldyq ortalyǵynyń bas sarapshysy;
2008-2009 jyldary QR Tuńǵysh Prezıdentiniń Qory janyndaǵy Álemdik ekonomıka jáne saıasat ınstıtýty men Qazaqstan-Reseı ýnıversıteti dırektorynyń orynbasary;
2009-2021 jyldary Astana qalasy ákimi apparatynyń bólim meńgerýshisi, Astana qalasy ákiminiń keńesshisi, kómekshisi, Qorǵanys mınıstriniń keńesshisi, Premer-mınıstr orynbasarynyń kómekshisi, QR Reseı Federasııasyndaǵy Elshiliginiń keńesshisi, Nur-Sultan qalasynyń qurylys jáne turǵyn úı saıasaty, Nur-Sultan qalasynyń turǵyn úı jáne turǵyn úı ınspeksııasy basqarmalarynyń basshysy;
2021-2022 jyldary «Rýhanı jańǵyrý» otandyq qoǵamdyq damý ınstıtýty» KEAQ basqarma tóraǵasy qyzmetterin atqarǵan.
2022 jyldyń aqpan aıynan bastap Astana qalasynyń «Esil» aýdanynyń ákimi qyzmetin atqaryp keldi.