Qaraǵandyda sıntetıkalyq esirtki satýmen aınalysqan kúdikti ustaldy, dep habarlaıdy Egemen.kz Polisia.kz-ke silteme jasap.
Qaraǵandy oblysynyń aýmaǵynda «Dármek» jedel aldyn alý is-sharasy ótkizilip jatyr. Atalǵan shara barysynda asa iri mólsherde sıntetıkalyq esirtki zattaryn satýmen aınalysqan 20 jastaǵy er adam ustaldy. Ustalǵan azamatqa tıesili qol sómkeniń ishinde úsh paketke salynǵan untaq tárizdi zattar tabyldy.
Tárkilengen zattarǵa júrgizilgen saraptama qorytyndysyna sáıkes, onyń jalpy salmaǵy 1,5 keli «mefedron» sıntetıkalyq esirtki zaty ekeni belgili boldy. Kúdikti tárkilengen zattardy Astana qalasynan ákelgenin moıyndady.
«Atalǵan derek boıynsha qylmystyq is qozǵaldy. Kúdiktige qatysty qamaýǵa alý bultartpaý sharasy qabyldandy. Tergeý áreketteri júrgizilip jatyr», delingen habarlamada.