Almaty turǵynynyń páterinen esirtki qoımasy anyqtaldy, dep habarlaıdy Egemen.kz IIM baspasóz qyzmetine silteme jasap.
Áýezov aýdanynyń turǵyny páterinde «geroın» esirtki zatyn qoldaný úshin qoıma uıymdastyrǵan. Páterdi tintý kezinde elektrondy tarazylar, paıdalanylmaǵan shprıster, quramynda ósimdik tektes jáne untaq túrindegi zattary bar baılamdar tabylyp, tárkilendi.
Esirtki qylmysyna qarsy kúres basqarmasynyń qyzmetkerleri tárkilengen zattardy joıdy.
«Atalǵan derek boıynsha sotqa deıingi tergeý amaldary bastaldy. Sot-hımııalyq saraptama taǵaıyndaldy», dedi qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.