Mádenıet jáne aqparat mınıstrligi monýment ornatý qaǵıdalaryna ózgerister engizetin buıryqty jarııalady, dep habarlaıdy Egemen.kz.
«Monýmenttik óner qurylystary Respýblıkalyq onomastıka komıssııasy bekitken tarıhı tulǵalar tiziminde kórnekti tulǵanyń bolýyn eskere otyryp ornatylady. Qurylys memleket táýelsizdigin nyǵaıtýǵa qosqan, qaharmandyq pen erlik kórsetken erekshe jaǵdaılardy qospaǵanda, asa kórnekti tulǵalar qaıtys bolǵan jáne (nemese) tarıhı oqıǵalar bolǵan kúnnen bastap bes jyldan erte qaralmaıdy», delingen buıryq jobasynda.
«Ashyq quqyqtyq erejelerde» jarııalanǵan jobaǵa sáıkes, kórnekti tulǵalardyń eskertkishterin jeke aýmaqta ornatýǵa tyıym salynǵan. Eskertkishterdiń syrtqy túri shyǵarmashylyq baıqaýlar qorytyndysy boıynsha anyqtalady, onyń qorytyndysyn arnaıy komıssııalar bekitedi.