5 mamyr – UQK Shekara qyzmetiniń sapyna alynyp, áskerı ómirdiń álippesimen tanysýdy bastaǵan jas sarbazdar úshin esterinde erekshe saqtalyp qalatyn kún. О́ıtkeni, sol kúni Almaty oblysy departamentine qarasty Qarasaı aýdany boıynsha shekara basqarmasynyń tehnıkalyq jáne kásibı daıarlyq bóliminiń 600-deı sarbazy Otanyna adal qyzmet atqarýǵa saltanatty túrde ant berdi.
Atalǵan rásimge departament bastyǵy polkovnık Á.Kaıýpov bastaǵan qonaqtar, Shekara qyzmetiniń ardaqty ardagerleri, saltanatty túrde ant qabyldaǵan sarbazdardyń ata-ana, týystary qatysty. Saptyq alańǵa Jaýyngerlik Tý shyǵarylǵannan keıin, jınalǵan qalyń qaýym taǵatsyzdana kútken shara bastalyp ketti.
Aıta ketý kerek, shekarashylar sapyna kóktem mezgili bastalǵan kezde alynǵan sarbazdar munda ózderiniń jaýyngerlik daıarlyqtaryn shyńdap qana qoımaı, el shebine qajetti mamandyqtardy da ıgerip shyǵajy. Bul – aspaz, baılanysshy jáne sanıtarlyq nusqaýshy mamandyqtary. Sondaı-aq Otan aldyndaǵy boryshtaryn el shebinde óteýge daıyndalyp jatqan sarbazdardy aldaǵy ýaqytta tamasha múmkindikter kútip tur. Atap aıtqanda, sarbazdyq mindetterin abyroımen ótegen merzimdi qyzmettiń jaýyngerleri ózderi qalaǵan otandyq joǵary oqý oryndaryna tegin túse alady. Buǵan qosa, aıta ketsek, óziniń sanaly ǵumyryn el shebimen baılanystyrǵysy keletinder úshin elimizdegi jáne sheteldik joǵary áskerı bilim ustahanalarynyń esigi aıqara ashyq. Osy oraıda, departament bastyǵy Álibek Kaıýpov atalǵan múmkindikti ıelengen «Kóktem-2023» shaqyrylymynyń úsh sarbazy: Dıas Hamzın, Maqsat Zada, Arsen Matqurmanovtarǵa ózderi tańdaǵan joǵary oqý oryndarynyń sertıfıkattaryn saltanatty túrde tapsyrdy.
Sarbaz ǵumyrynda bir ret qana bolatyn mańyzdy mezetke kýá bolǵan ata-ana, baýyr, qurby-dostardyń erekshe tolqynysy bal-bul janǵan júzderinen baıqalyp turdy. Ásirese, nemerelerin saǵynyp kelgen ata-ájelerdiń qýanyshtarynda shek joq.
Shekarashylardy ant qabyldaýlarymen quttyqtaǵan departament bastyǵy Á.Kaıýpov jas tolqyndardyń aldaǵy qyzmetterine sáttilik tiledi. Kelesi kezekte sóz alǵan Naýryzbaı aýdany ákimi orynbasary Mıras Nysanalıev, sondaı-aq, shekarashy ardagerlerdiń «Zastava tarlandary» respýblıkalyq qoǵamdyq birlestigi Almaty oblysy boıynsha fılıalynyń tóraǵasy zapastaǵy polkovnık D.Mamyrhanov, atalǵan aýdan ardagerleri keńesiniń tóraǵasy Mádenıet Kárpenovter el tynyshtyǵymen tikeleı baılanysty shekarashy mamandyǵynyń qasterli sanalatynyn tilge tıek etti, sarbazdardyń bergen anttaryna adaldyq tanytatyndaryna senim bildirdi.
Sondaı-aq sapta turǵan sarbazdardyń atynan minberge kóterilgen qos shekarashynyń biri, qatardaǵy jaýynger Emıl Malıkov quddy Maǵjan Jumabaevtyń «biz janbasaq lapyldap, aspan qalaı ashylmaq...» degen óleńin eriksiz eske salyp turǵandaı eken. Is-sharany Qarasaı aýdany boıynsha shekara basqarmasynyń arnaýly maqsattaǵy utqyr is-qımyldar tobynyń saıypqyrandary jalǵastyryp, jınalǵan qaýym arnaıy jasaqtyń qoıan-qoltyq urys tásilderin tamashalady. Sonymen qosa, kúrdeli jaýyngerlik tapsyrmalardy oryndaýǵa mashyqtanǵan áskerı qyzmetshiler memlekettik shekara buzýshyny ustaýdyń tásilderin sheber kórsetti.
Is-shara sońynda Naýryzbaı aýdany ákimdiginiń uıytqy bolýymen, jas bıshiler men ánshiler tamasha ónerlerimen merekelik kóńil-kúı ústedi.
Taǵy bir aıta ketetin jaıt, rásim kezinde ata-analar uldarynyń merzimdi áskerı qyzmetterin ótkergen soń elimizdegi joǵary oqý oryndarynyń birine grantqa úmitker bola alatynyn bildi.
Merekelik is-shara aıaqtalǵan soń alǵash ret sarbazdarǵa jaqyndarymen birge qalaǵa serýendep kelýge ruqsat berildi.
Tamara DÁÝLETBAEVA,
UQK Shekara qyzmetiniń zapastaǵy podpolkovnıgi