34 jastaǵy Astana turǵyny kórshisiniń atynan zańsyz 6 nesıe rásimdegen, dep habarlaıdy Egemen.kz.
Turǵyn eki banktik nesıeni mobıldi bankıng arqyly, qalǵanyn shaǵyn nesıe uıymdarynan alǵan.
«Anyqtalǵandaı kúdikti kórshisimen senimdi qarym-qatynasta bolǵan jáne onyń jumys izdep júrgenin bilgen soń, ol oǵan kómektespek bolǵan syńaı tanytqan. Sóıtip kórshisiniń jeke derekterin ıemdenip alǵan kúdikti jalpy somasy 4 mıllıon teńgege onlaın nesıe alǵan. Qazir Baıqońyr aýdanynyń polısııa qyzmetkerleri kúdiktiniń ústinen qylmystyq is qozǵady», delingen IIM-niń habarlamasynda.
Kúdikti alaıaqtyq is-áreketti jasaǵanyn moıyndady. Sondaı-aq onyń Astanada osyǵan uqsas qylmystarǵa qatysy bar-joqtyǵy anyqtalyp jatyr.
Qyrmyzy JUMAǴALIQYZY,
EUÝ stýdenti