2024 jylǵy 11 mamyrda Ulttyq qaýipsizdik komıteti «Búrkit» JSN jáne prokýratýra organdarynyń úılestirýimen Pavlodar qalasynda sıntetıkalyq esirtki óndiretin iri jasyryn oryndy anyqtady, dep jazady Egemen.kz.
Osy qylmysty jasady degen kúdikpen Qazaqstan azamaty men úsh sheteldik ustalyp, sottyń sanksııasymen qamaýǵa alyndy.
Pavlodar qalasyndaǵy saıajaı alaby aýmaǵyndaǵy úıdi tintý kezinde 170 kg-nan astam «mefedron», 2 tonna prekýrsorlar, sondaı-aq zerthanalyq jabdyqtar tabylyp, tárkilendi.
Tárkilengen esirtki quny «Qara naryqta» - 4,2 mlrd teńgeni qurasa, al kólemi 680 myń dozadan asady.
Zańsyz is-áreketke baılanysty qylmystyq Kodekstiń 297-babynyń 3-bóligi boıynsha sotqa deıingi tergep-tekserý bastaldy.