Almaty oblysy Eńbekshiqazaq aýdany Avat aýyldyq okrýgi aýmaǵynda Talǵar ózeninde sý deńgeıi kúrt kóterilip, saldarynan balama jol shaıylyp ketti, dep jazady Egemen.kz Eńbekshiqazaq aýdany ákimdiginiń baspasóz qyzmetine silteme jasap.
«Qazirgi ýaqytta kún jańbyrly bolyp, taýdaǵy qar erigendikten, Talǵar ózeniniń sýy kúrt kóterildi. Osyǵan baılanysty Avat aýyldyq okrýgine qarasty kópir (Prıkanalnaıa BAK) vızýaldy tekserý kezinde kópirge jaqyndaǵan jerlerdegi jaǵalaýdyń shógýi, sondaı-aq betkeılerdegi topyraqtyń shaıylyp ketkeni kópirdi appattyq jaǵdaıǵa ákelýi múmkin», delingen ákimdik habarlamasynda.
Quzyrly organ kópirdiń kólik qatynasyna jaramdylyǵyn anyqtaý maqsatynda saraptama taǵaıyndaǵan.
Osyǵan baılanysty kópirdegi kólik qozǵalysy shekteldi.
Al aınalma Qulja tasjoly men Talǵar-Esik-Báıdibek bı baǵytyndaǵy trassalar tolyqqandy ashyq.Qazirgi ýaqytta ózen arnasyn tereńdetý jáne nyǵaıtý jumystary jalǵasyp jatyr.Avat aýyldyq okrýgi ákiminiń apparaty táýlik boıy kezekshilik uıymdastyryp, sý deńgeıin baqylaýǵa aldy.