Belgııalyq otbasy asyrap alǵan qazaq balasy Jánibek áleýmettik jelide sońǵy jańalyǵymen bólisti, dep habarlady Egemen.kz.
- Qurmetti qazaqstandyq ákeler, analar, aǵalar men ápkeler, zamandastar!
Hal-jaǵdaılaryńyz qalaı? Jaqsy dep oılaımyn, óıtkeni Sizder týǵan elderińizde ómir súrip jatyrsyzdar. Men týǵan Anamdy izdegenime 6 aıǵa jýyq ýaqyt ótse de, anamdaı bolyp ketken Qymbat apaıym men ápkemdeı bolǵan Ásel, Arqalyq polısııasy izdeýdi toqtatqan emes. DNQ zertteýleri úzdiksiz tapsyrylyp, tekserilip jatyr, osyndaı mańyzdy jumys júrgizip jatqan barsha janashyrlaryma alǵys aıtamyn, - degen ol anasyn izdeý bir sátke toqtamaǵanyn málimdedi.
Aıtýynsha, asyrap alǵan anasynyń densaýlyǵy nasharlap, qatty qınalyp jatyr. - О́zime keler bolsam, jeke basym úshin sońǵy kezde ońaı bolmaı tur. Asyrap alǵan anamnyń densaýlyǵy nasharlap, qatty qınalyp jatyr. Men anama ekeýmiz birge jarııalaǵan aldyńǵy beınerolık úshin sizderdiń jazǵan júrekjardy pikirlerińizdi oqyp berip, kóńilin kóterdim. Árıne,bunyń bári ýaqytsha kóńilin aýlaý ekenin túsinem…
Al josparym týraly aıtar bolsam, aldaǵy ýaqytta meniń balalyq shaǵymnan (balalar úıi) habar beretin ádemi jáne qyzyqty beınebaıan jarııalaımyn.
Jáne Alla qoldasyn, jaqynda ózderińizben kezdesemin dep úmittenemin!, - dep aıaqtady sózin Jánibek.