2020 jyldyń mamyr aıynda Qaraǵandyda ınkassator mashınasyn ádeıi soǵyp, aqsha urlap ketken qylmystyq toptyń tórtinshi múshesi ustaldy, dep jazady Egemen.kz Polisia.kz-ke silteme jasap.
Qylmystyq topqa 4 adam múshe bolǵan. Olar kólikten 70 mıllıon teńge men qarýlaryn alyp, oqıǵa ornynan izderin sýytqan edi.
Sol kezde krımınaldyq polısııa qyzmetkerleri júrgizgen keshendi jedel-izdestirý is-sharalary barysynda úsh kúdikti ustalyp, olardan 30 mıllıon teńge aqsha tárkilengen edi. Al tórtinshi kúdikti qashyp ketken edi. 38 jastaǵy qylmysker Almaty oblysynda qolǵa tústi. Sot barysynda aldyn ustalǵan 3 qylmysker áreketterin moıyndamaı, kináni qashyp ketken adamǵa aýdarmaq bolǵan edi. Olar 10 jyldan 11,3 jylǵa deıin sottaldy.Tórtinshi kúdikti 4 jyl buryn jasaǵan qylmysy úshin jaýapqa tartylady.