Almaty qalasynyń Almaly aýdanynyń №2 aýdandyq soty esirtki zattaryn taratqan ınternet-resýrstardyń qyzmetin toqtatty, dep habarlaıdy Egemen.kz Joǵarǵy Sottyń baspasóz qyzmetine silteme jasap.
Sotpen anyqtalǵany, «Telegram» messendjeri men «Instagram» áleýmettik jelisindegi birqatar paraqsha arqyly esirtkini SMS arqyly satyp alýǵa bolatyn saıttarǵa siltemeler taratylǵan.
Satyp alý nusqaýlary bar ınternet-resýrstarda tyıym salynǵan zattar týraly aqparat usynylǵan. Sonymen qatar esirtkini, psıhotroptyq zattardy jáne olardyń analogtaryn respýblıka aýmaǵynda tutynýshylarǵa taratý múmkindigi qarastyrylǵan.
«Sot ýákiletti organnyń talap qoıýy boıynsha atalǵan ınternet-resýrstarda aqparat taratý zańsyz dep tanyp, olardyń qyzmetin toqtatty. Sottyń sheshimi zańdy kúshine endi», delingen vedomstvo habarlamasynda.