Almaty oblysy Ile aýdanyndaǵy «Qazposhta» AQ bólimine shetelden kosmetıkalyq buıymdar túrinde jasyrylǵan salmaǵy 777,4 gramm esirtki ónimi kannabıs ekstrakty (gashısh maıy) salynǵan jóneltilim anyqtaldy, dep habarlaıdy Egemen.kz.
Qarjylyq monıtorıng agenttigi asa iri kólemdegi esirtki kontrabandasy boıynsha sotqa deıingi tergep-tekserý júrgizip jatyr.
«Jóneltilimdi qabyldaýshy esirtki ónimderiniń zańsyz aınalymy úshin buryn sottalǵan azamat bolyp shyqty. Onyń turǵylyqty jeri boıynsha tintý barysynda esirtki qoldanýǵa arnalǵan qurylǵylar, qoldanylǵan ıne, zıp-paketter jáne t.b. zattar tabyldy», dep habarlady QMA.
Atalǵan azamat sot sheshimimen qamaýǵa alyndy, tergeý amaldary jalǵasady.