Ulttyq ulan sapyndaǵy áskerı qyzmetshilerdiń balalary arasynda quqyqtyq tártip áskeriniń bedelin arttyrý maqsatynda «Men – Otan qorǵaýshymyn!» fotobaıqaýy ótkizildi.
Baıqaý balalardyń boıynda patrıottyq sezimderdi tárbıeleý, Otanǵa qurmet kórsetý, áskerı qyzmettiń bedelin arttyrý maqsatynda uıymdastyryldy.
Fotobaıqaýǵa barlyq óńirlik qolbasshylyqtardan, Ulttyq ulan akademııasynan jáne tikeleı baǵynystaǵy áskerı bólimderden 90-nan astam ótinim kelip tústi. Baıqaýdyń jeńimpazdary men júldegerleri Ulttyq ulannyń Instagram-daǵy resmı akkaýntynda jınalǵan daýys sany arqyly anyqtaldy. Daýys berý nátıjesinde birinshi oryndy 5451 áskerı bólimi baılanys qoımasynyń aǵa mamany, qatardaǵy Baljan Tursynovanyń 1433 daýys jınaǵan uly Ramazan Tursyn ıelendi. Ekinshi oryn Ulttyq ulan akademııasy 1-oqý batalonynyń 2-oqý rotasy 2-oqý vzvodynyń komandıri, kapıtan Janarbek Qaıyrjanovtyń uly Janáli Búrkitke 1230 daýys buıyrdy. Kóshbasshylar úshtigin «Ońtústik» óńirlik qolbasshylyǵy tyl basqarmasy kıim-keshek qyzmetiniń bastyǵy, maıor Nurjan Aldanazarovtyń balalary túıindedi. Mansur men Álınur Aldanazarovtar 982 daýys jınaǵan.
Ulttyq ulannyń qoǵamdaǵy abyroıyn arttyrýǵa belsendi qatysqan jáne júldeli oryndarǵa ıe bolǵan áskerı qyzmetshilerdiń balalary Ishki ister mınıstriniń orynbasary – Ulttyq ulannyń Bas qolbasshysy, general-leıtenant Erkin Botaqanovtyń atynan dıplomdarmen, alǵyshattarmen jáne baǵaly syılyqtarmen marapattaldy.