Almaty oblysy Qarasaı aýdandyq soty 15 shilde kúni óńir taýlarynda motosıkl júrgizýshilerin qamshymen sabap, myltyq kezegen bir top azamatqa qatysty sheshim shyǵardy, dep habarlaıdy Egemen.kz.
Almaty oblysy Qarasaı aýdandyq sotynda toptyq buzaqylyq (QK-niń 293-baby 3-tarmaǵy boıynsha) jasady degen kúdikpen aıyptaýshylar N., O., A.-ǵa qatysty Qarasaı aýdany polısııa basqarmasynyń «qamaýda ustaý» túrindegi bultartpaý sharasyn sanksııalaý týraly ótinishhaty qaraldy.
Is boıynsha jábirlenýshi sot otyrysynda qazirgi ýaqytta kúdiktilermen tatýlasqanyn kórsetip, olardy qoǵamnan oqshaýlamaıtyn bultartpaý sharasyn qoldanýdy suraǵan.
- Sot QPK-niń 55, 146-148-baptarynyń normalaryn eskere otyryp, «qamaýda ustaý» túrindegi bultartpaý sharasyn sanksııalaý úshin negizderdiń bolmaýyna baılanysty atalǵan bultartpaý sharasyn sanksııalaý týraly ótinishhatty qanaǵattandyrýdan bas tartty jáne «eshqaıda ketpeý jáne tıisti minez-qulqy týraly qolhat» túrindegi bultartpaý sharasyn tańdady, - delingen sot habarlamasynda.
Qaýly zańdy kúshine engen joq.