Bul týraly elorda ákimdiginiń resmı saıty habarlady, dep jazady Egemen.kz.
«Baıtaq» jasyldar partııasynyń uıymdastyrýymen Trıatlon saıabaǵynda BAYTAQ RUN FEST atty eko júgirý festıvali ótip, ár qatysýshy 5 shaqyrymdy baǵyndyrdy.
Aıta ketsek, atalǵan festıval Astanada ekinshi márte uıymdastyryldy. Bir aı buryn Botanıkalyq saıabaqta ótken jarysqa 100-den astam adam qatyssa, osy jolǵy jarysta olardyń sany 210 adamdy quraǵan.
«Bizdiń júgirisimizdiń basty ereksheligi – eshqandaı jarna tóleýdiń qajettiligi joq. Ár qatysýshy júgirip qana qoımaı, estelik medaldarmen marapattalyp, lotereıa arqyly syılyqtar utyp aldy. Mektep oqýshysynan bastap, zeınetker ata-ájelerimiz de qatysty. Bunymen toqtamaımyz, ár aıda turaqty túrde ótkizip turý josparymyzda bar», deıdi jobanyń uıymdastyrýshysy Álisher Kúzekbaev.
Is-sharanyń maqsaty – qorshaǵan aınalany taza ustap, salaýatty ómir saltyn nasıhattaý. Al atalǵan ıdeıa kezekti ret demalys kúni júzege asyryldy.