Senat depýtaty Saǵyndyq Luqpanov Atyraý oblysyndaǵy Qurmanǵazy aýdanynda bolyp, kásipkerlermen jáne aýdandyq máslıhat depýtattarymen kezdesti. Depýtat aýdanǵa sapar barysynda 60 páterli turǵyn úı qurylysymen de tanysty.
Aımaqqa sapary barysynda ol máslıhat depýtattarymen kezdesip, joǵary zań shyǵarýshy organnyń jumysymen tanystyrdy, palata qyzmetiniń qorytyndylary týraly aıtyp berdi. Sonymen birge ótken sessııa barysynda qabyldanǵan zańdardaǵy negizgi jańalyqtar týraly jan-jaqty qulaǵdar etildi.
Budan bólek, kezdesý barysynda jergilikti turǵyndardy tolǵandyratyn máseleler de talqylandy. Máslıhat depýtattary densaýlyq saqtaý jáne jol salasyndaǵy zańnamany jetildirý, óńirdi aýyzsýmen qamtamasyz etý týraly usynystaryn bildirdi.
Budan keıin senator óńirdegi shaǵyn aýyldarda bolyp, ondaǵy turǵyndarmen kezdesti, eldi mekenderdiń problemalarymen tanysty. Depýtat Atyraý oblysyndaǵy aýyldardyń ózekti máseleleri únemi nazarynda ekenin, olardy sheshý jónindegi jumysty jalǵastyra beretinin atap ótti.