Shyǵys Qazaqstan oblysy ortalyǵynyń úsh turǵyny quqyq qorǵaý organdaryna shaǵymdandy. Olarǵa kenetten túrli mıkrokarjy uıymdarynan nesıeler boıynsha tólemderdiń keshiktirilgeni týraly habarlamalar kele bastaǵan. Biraq aryzdanýshylardyń eshqaısysy bul uıymdardan nesıe almaǵan, dep habarlaıdy Egemen.kz.
Zardap shekkenderden olarǵa materıaldyq shyǵyn keltirýi múmkin kim dep kúdiktenetinderi suralǵanda, úsheýi de jeke jáne bank derekterine qol jetkize alǵan tanys bir jas jigitti kórsetken. Ekeýine ol onlaın-kazınodan utysty qolma-qol aqshaǵa aınaldyrýǵa kómektesýdi surap kelgen. Al úshinshi aldanǵan áıeldi bul ákki jigit qaryz rásimdeýge kóndirip, qaryzdy tez arada qaıtaramyn dep ýáde bergen. Keıin áıel óz atyna bir emes, bes nesıe rásimdelgenin anyqtady. Biraq birde-bir qaryz qaıtarylmaǵan.
Zardap shekkenderdiń barlyǵy tanysynyń tabandy ýádelerine senip, olar kórsetken qarjylyq prosedýralardy oryndaý úshin qajetti bıometrııalyq tekserýden óz erikterimen ótkenderin aıtty. Osyny paıdalanǵan alaıaq bireýdiń esebinen baıyp, jalpy somasy mıllıon teńgeden astam qarajatty ıemdengen.
Alaıaqtyń aty-jóni men turǵylyqty jeri onyń qurbandaryna belgili bolǵandyqtan, jas jigit jedel túrde qamaýǵa alyndy. Quqyq buzýshy úsh jylǵa bas bostandyǵyn shekteý jazasyna kesildi. Sonymen qatar, ol oǵan qarsy azamattyq talap qoıǵan eki zardap shekken adamǵa keltirilgen zalaldy tolyǵymen óteýge mindetti.