Esirtki satýdy jarnamalaıtyn graffıtı sýretti salǵany úshin polıseıler 21 jastaǵy jigitti ustady, dep habarlaıdy Egemen.kz.
- “Quqyqtyq tártip” jedel aldyn alý is-sharasy aıasynda Baým toǵaıynyń aýmaǵynda turǵyn úıler men nysandardyń qabyrǵalaryna jazý jazýmen aınalysqan jergilikti turǵyn ustaldy. Bul jazý tyıym salynǵan zattardy satatyn alańdardyń biriniń mekenjaıy ekeni belgili boldy. Turǵylyqty jerin tintý kezinde graffıtı salýǵa arnalǵan trafaretterdiń, boıaýlardyń jáne basqa da quraldardyń birneshe túri tabyldy. Ustalǵan azamattyń áreketinde QR QK-niń 299-1-babynda kózdelgen qylmystyq quqyq buzýshylyqtyń belgileri bar. Atalǵan derek boıynsha sotqa deıingi tergeý amaldary júrgizilip jatyr, – dedi Túrksib aýdandyq polısııa basqarmasynyń bastyǵy Erkin Amantaev.
Aıta keteıik, esirtki quraldaryn, psıhotroptyq zattardy nemese prekýrsorlaryn nasıhattaý nemese zańsyz jarnamalaý úsh jylǵa deıingi merzimge bas bostandyǵynan aıyrýmen jazalanady.
QR QK-niń 201-babyna sáıkes ózge aqparat tergeý múddesine oraı jarııa etilmeıdi.
QR Konstıtýsııasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.