Atalǵan oblysta sırek kezdesetin janýarlar men qustarǵa qatysty zańsyz áreket jasaý faktisi anyqtaldy, dep habarlaıdy Egemen.kz.
Polizia.kz-tiń málimetinshe oblystyq polısııa departamentiniń uıymdasqan qylmysqa qarsy kúres basqarmasynyń qyzmetkerleri Saryaǵash aýdanynda úıiniń aýlasynda arystan jáne jabaıy qustar asyraǵan turǵyndy anyqtaǵan. Jedel ýákilder onyń úıine tekserý júrgizip, aýlasynan 1 arystan jáne 2 búrkit pen suńqar, 2 úki, 2 kekilik qustaryn tárkilegen. Er adam jabaıy janýarlardy óz qajettiligi úshin asyraǵanyn aıtqan. Arystan men qustar Shymkent qalasy zoobaǵyna ornalastyryldy. Qazirgi ýaqytta tergeý júrgizilip, oqıǵanyń barlyq mán-jaıy anyqtalyp jatyr.