Elbasy jeńisi – eldiktiń jemisi

*Almaty Prezıdent saılaýyna eldegi eń úlken shahar Almatynyń qosqan ózindik úlesi bar. Osy oraıda qýanyshty dúbirde júrgen qala tur­ǵyn­darymen pikir bólisip kórdik. Qazaqstannyń halyq ártisi, Memlekettik syılyqtyń laýrea­ty Tuńǵyshbaı ál-Tarazı shynaıy qýanyshyn jasyrmaı bylaı dedi: – Elimizde júrektiń túbinen shyqqan naǵyz taza saılaý ótti. Halyqtyń dál bulaı bir maqsat jolynda toptasqanyn kópten beri kóre almaı júrgen edim. Saılaýshylardyń daýys berýge ynty-shyntymen barǵanyn da baıqadyq. Meldebek esimdi baýyrym: «Daýys berý úshin 45 mınýt kezekte turdym», deıdi. Buǵan qýanýymyz kerek, táýbe deýimiz kerek. Bul – halyqtyń abyroıy, eldiń jeńisi! Abaı eskertkishi men Respýblıka saraıy aldyndaǵy alańǵa lyq tolǵan merekelik kóńil-kúıdegi halyqqa arnap «Arnaý» toby án bastap, shashý shashty. Talǵat SÚIINBAI, «Egemen Qazaqstan». Sýretti túsirgen Aıtjan MURZANOV. *Aqtóbe Jeńimpazdar forýmynyń saltanatty sátin qysqasha kirispe sóz sóılep ashqan oblystyq máslıhattyń hatshysy Sánııa Qaldyǵulova Qazaqstan Respýblıkasy Prezıdentiniń kezekten tys saılaýynyń óńirde demokratııalyq talaptarǵa saı uıymshyldyqpen jáne saılaýshylardyń joǵary belsendiligimen ótkenin tilge tıek etti. – Kásiporynymyzda jumysshylar áýletteri kóptep eńbek etedi. Bizdiń otbasynyń osy zaýyttaǵy jalpy jumys ótili  50 jyl bolady. Biz áýletimizben Nursultan Ábishulyn qoldap daýys berdik. Prezıdent Qazaqstandy damýdyń dańǵyl jolymen alyp keledi, – dedi Aqtóbe ferroqorytpa zaýytynyń balqytýshysy  Erjan Atyraýbaev rızashylyǵyn bildire. Jeńimpazdar forýmyn óńirge belgili óner sheberleri ánmen ádiptep, bımen beder­ledi. Jastar yrǵaqty qımyldap, sahna tóri­ne kóterilip, «Elbasymen birge – jańa jeńis­terge!» dep urandatty. Satybaldy SÁÝIRBAI, «Egemen Qazaqstan». Sýretti túsirgen Qaıredın Raýshanov. *Kókshetaý «Kókshetaý» mádenıet saraıynda «Nur Otan» partııasy Aqmola oblystyq uıymynyń muryndyq bolýymen jeńimpazdar forýmy ótkizildi. Saltanat jıynynyń shymyldyǵy «Dostar» trıosynyń oryndaýyndaǵy «Qazaq eli osyndaı!» ánimen ashyldy. Zal patrıottyq rýhty asqaqtatar ánge tik turyp qosyldy. Sóz Qazaqstan Respýblıkasy Prezıdentiniń senimdi ókili bolǵan  Serik Aıaǵanovqa berildi. 26 sáýir kúni biz Táýelsiz Qazaqstan jylna­masyndaǵy taǵdyrsheshti saıası mańyzdy tań­daýymyzdy jasadyq, – dedi ol. Men jer­les­terimdi Nursultan Nazarbaevtyń saı­laý­daǵy laıyqty ári biz kútken jeńisimen qut­tyqtaımyn. Bul jeńis bolashaǵymyzdy, Táýel­siz Qazaqstannyń bolashaǵyn aıqyndaıdy. Bul barshamyzdyń, qazaqstandyqtardyń ortaq jeńisi. Osy oraıda, aqmolalyqtarǵa Nursultan Nazarbaevqa óziniń basym daýysyn, ıaǵnı 98 paıyzǵa jýyq daýysyn bergenine rızashylyǵymdy bildiremin, dedi ol. Baqbergen AMALBEK, «Egemen Qazaqstan». *Qaraǵandy Elimizdegi mańyzdy saıası naýqannyń qutty aıaqtalýyna baılanysty oblys ortalyǵynda­ǵy eń záýlim «Qaraǵandy-Arena» muz aıdynynda ótken jeńimpazdar forýmyna qala jurt­shylyǵy ókilderi kóterińki kóńil-kúıde bas qosty. Júzdesýdi oblys ákimi Nurmu­ham­bet Ábdibekov ashyp, jınalǵandardy N.Á.Nazarbaevtyń jeńisimen quttyqtady. Temirtaý qalasy ardagerler qoǵamynyń tóraıymy Nına Vahıtova, Qaraǵandy ekonomıkalyq ýnıversıtetiniń rektory Erqara Aımaǵambetov, 2004 jylǵy jazǵy Olımpıada oıyndarynyń qola júldegeri Dmıtrıı Karpov jáne basqalary sóılegen sózderinde bul saılaý Memleket basshysyn halyq qashanda asa qadir tutatyndyǵyn,Qazaqstannyń ósip-órkendeýi men birliktiń kepili bolyp tabylatyndyǵyn taǵy bir pash etkenin aıtty. Forýmda ónerpazdar án-kúıden shashý shashyp, is-sharanyń sán-saltanatyn asyrdy. Aıqyn NESIPBAI, «Egemen Qazaqstan». Sýretti túsirgen D.Kýzmıchev. *Qostanaı Forýmda «Nur Otan» partııasynyń oblystyq fılıaly tóraǵasynyń birinshi orynbasary Á.Saparova saılaý birlik pen abyroıdyń kórinisi bolǵanyn aıtty. Munan keıin Elbasynyń saıasatyn Qostanaı óńi­rin­de júzege asyrýshy ókili bolyp sanalatyn oblys ákimi Nuraly Sádýaqasov sóz aldy. A.Baıtursynov atyndaǵy Qostanaı mem­­lekettik ýnıversıteti rektorynyń keńes­shisi Mıhaıl Dáýenov, Qazaqstan halqy assam­bleıasynyń múshesi, oblystyq arhıv dırektory Valerıı Vıshnıchenko, N.Nazarbaevtyń Qostanaı qalalyq shtabynyń múshesi Evge­nıı Vılıams Elbasy jeńisi – Qazaqstan jeńisi, halyqtyń jeńisi degen lebizin bil­dirdi. Halyq aqyny Ásııa Berkenova qýany­shyn: «Jelbireıdi beıbit kúnniń jalaýy, yntymaqtyń laýlap jatyr alaýy», dep bas­talatyn jyr joldarymen jetkizdi. Názıra JÁRIMBETOVA, «Egemen Qazaqstan». *Qyzylorda Qyzylordada Elbasynyń senimdi ókilderi, Syr jastary bas qosqan «Tarıh tańdaǵan, halyq qoldaǵan» atty jeńimpazdar forýmy ótti. Jınalǵan 2 myń adam prezıdenttik saılaýda jeńiske jetken Nursultan Nazarbaevqa osylaısha óz qurmetterin kórsetti. Is-sharada sóz alǵan óńir basshysy Qyrymbek Kósherbaev: – Syr jurtshylyǵyn ortaq jeńispen shyn júrekten quttyqtaımyn. Saılaýdy uıymdastyryp, ony ótkizýge atsalysqan barlyq azamattarǵa, ásirese jastarǵa, árbir jerleske Elbasynyń atynan rızashylyǵymdy bildirip, rahmet aıtamyn. Sizder qosqan ún Táýelsiz Qazaqstannyń tolaǵaı tabystary bolyp jańǵyratynyna kámil senemin, – dedi. Osydan keıin mádenı is-shara bastaldy. Erjan BAITILES, «Egemen Qazaqstan». *Oral Keshe Oral qalasynda Jeńimpazdar forýmy ótkizilip, onda Batys Qazaqstan oblysynyń ákimi Nurlan Noǵaev Prezıdent saılaýy kúni barsha qazaqstandyqtar óz tańdaýlaryn jasaǵanyn atap kórsetti. Bul – beıbitshilik pen kelisimniń jáne birlik pen turaqtylyqtyń tańdaýy boldy dedi budan ári oblys basshysy. Forýmda  oblystaǵy etnomádenı birlestikterdiń ókilderi atynan Oral qalalyq máslıhatynyń depýtaty, kásipker Lıana Tursynova, jastar atynan Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń stýdenti Serikbolsyn Jeksenbaev jáne ózgeleri quttyqtady. Temir QUSAIYN, «Egemen Qazaqstan». Sýretti túsirgen Rafhat Halelov. *О́skemen Keshe Elbasy jeńisine shynaıy qýan­ǵan shyǵys­qazaqstandyqtar oblys ortalyǵyn­daǵy Abaı eskertkishiniń aldyna jınaldy. 8 myńnan astam turǵyn bas qosqan kóńildi kesh, saltanatty jıyn asqaqtaǵan el mereıiniń kórinisi ispetti boldy. Merekelik jıynda saılaýdyń ádil ótýine atsalysqan oblystyq jáne qalalyq shtabtardyń músheleri men jas kásipkerler, volonterler merekelik kóńil-kúılerimen bólisti. Forým sońy aıtýly konsertke ulasty. Shyǵysqazaqstandyq jergilikti jeztańdaı ánshilermen qatar bul keshke arnaıy kelgen «Orda» jáne «Keshıý» tobynyń múshesi Kámshat Joldybaeva óskemendikterdi ónerimen tamsandyrdy. Dýman ANASh, «Egemen Qazaqstan». *Pavlodar Oblys ortalyǵyndaǵy «Astana» muz aıdyny saraıynda ótken jeńimpazdar forýmy kezekten tys prezıdenttik saılaýda jeńiske jetken Nursultan Nazarbaevqa arnaldy. Záýlim bıik ásem saraıǵa Prezıdenttiń saılaýdaǵy jeńisine aq nıet aq kóńilden tilek bildirýshi metallýrgter, munaıshylar, temirjolshylar, ardagerler, kásipkerler, stýdent jastar jınaldy. – Men Prezıdent saılaýyna birinshi ret qatystym. Qobaljydym, tolqydym. Eseı­­genińdi sezinesiń. Eliń úshin kerek eke­nińdi túsi­nesiń. О́z daýysymdy Nursultan Nazar­baevqa berdim. Barlyq qazaqstandyqtar sııaqty men de Elbasy saıasatyn qoldaımyn, alda­ǵy jaqsy ómir, jaqsy kúnderge senim­dimin, – dedi stýdent Aqerke Imashhan. Jeńimpazdar forýmyna jınalǵandar elimizde tatýlyq pen tynyshtyq, birlik týy­nyń asqaqtaı berýine tilektestigin bildirdi. Farıda BYQAI, «Egemen Qazaqstan». Sýretti túsirgen Valerııı Býgaev. *Petropavl Ardagerler, jastar ókilderi, úkimettik emes uıymdar, etnomádenı birlestik jetekshileri, ha­lyq qalaýlylary, saılaý belsendileri aty­nan ortalyq alańǵa jınalǵan 10 myńǵa jýyq adam «Prezıdenttiń jeńisi – memleket turaq­tylyǵynyń kepili!» atty jeńimpazdar forýmyna qatysyp, is-shara saltanatty jaǵdaıda ótti. Jıyndy aımaq basshysy Erik Sultanov ashyp, oblys turǵyndaryn saıası sharanyń ashyq, erkin jáne demokratııa talaptaryna saı ótýimen quttyqtap, el damýynyń mańyzdy kezeńine jol ashylǵanyn jetkizdi. Jeńimpazdar forýmynda Soltústik Qazaq­stan oblysynyń qurmetti azamaty, tyl ard­a­­­geri Qudaıbergen Qalıev, Petropavl aýyr ma­shına jasaý zaýytynyń bas dırektory Qýa­nysh Bıshimov, Qazaqstan halqy Assam­bleıasy oblystyq bólimshe hatshy­lyǵynyń meńge­rýshisi Naıl Salımov sóıledi. О́mir ESQALI, «Egemen Qazaqstan». Sýretti túsirgen Talǵat TÁNIBAEV. *Taraz Keshe Taraz qalasynyń «Dostyq» alańynda ótken «Elbasy jeńisi – eldiktiń jemisi!» atty jeńimpazdar forýmynda Memleket basshysy mereıin jambyldyqtar da erekshe qýanyshpen atap ótti. «Memleket basshysy Táýelsizdiktiń 24 jylynda elimizdi zor jetistikke jet­kizdi. Jańa ekonomıka. Birtutas qoǵam. Qýatty memleket. Endi al­dymyzda Elbasymen birge – jańa jetistikter tur! Uly maqsattar, uly bastamalardyń arqasynda erteńgi kúnimizge senimdi qadamdar jasaımyz!», dedi jıynda sóz alǵan Jambyl oblysynyń ákimi Kárim Kókirekbaev. Shynynda bul jeńis – kóp ultty halqy­myzdyń Elbasyna degen ystyq yqylasy, sheksiz qurmetiniń kórinisi. Alańǵa jınalǵan jastar bul kúni án salyp, bı bılep, Elba­synyń eren jeńisi – Qazaqstannyń kezekti bıik belesi ekenin maqtanyshpen jetkize bildi. Oralhan DÁÝIT, «Egemen Qazaqstan». Sýretti túsirgen Altynbek QARTABAI. *Shymkent Keshe Shymkenttegi «Naýryz» alańynda jeńimpazdar forýmy ótti. On myńnan astam adam qatysqan aıtýly sharada azamattar qýa­nysh­taryn rııasyz bildirip, bir-birin quttyqtady. Jurtshylyq aldynda oblys ákimi Asqar Myrzahmetov sóz aldy. О́ńir basshysy 1 mıllıon 260 myńǵa jýyq saılaýshylary bar Ońtústik Qazaqstandaǵy 1 mıllıon 230 myńnan astam azamattyń saıası naýqanǵa qatysqanyna erekshe toqtaldy. Bul – 97,78 paıyzdy qurap otyr. Ońtústikqazaqstandyqtar tek qana óziniń sol saılaýǵa qatysýda belsendiligi emes, eń bastysy – atqarylyp jatqan saıasatqa, atqarylar saıasatqa beriletin baǵada ózderiniń ádil ekendigin kórsetti. Saltanatty sharada oblystaǵy óner­pazdar qaýymy patrıottyq ánderdi shyrqap, Halyq­tar dostyǵyna arnalǵan sazdy horeo­gra­fıkalyq kompozısııa qoıyldy. Baqtııar TAIJAN, «Egemen Qazaqstan». Sýretti túsirgen Qaısar Sherim.