Qazaqstanda 100 jasaǵan jáne odan da úlken jastaǵy 423 qart bar. Olardyń eń úlkeni 114 jastaǵy keıýana Ulytaý oblysynda turady, dep habarlaıdy Egemen.kz.
Eńbek jáne halyqty áleýmettik qorǵaý mınıstrliginiń baspasóz qyzmetiniń málimetinshe eń kóp ómir súretinderdiń sany boıynsha kósh bastap turǵan Túrkistan oblysynda 100 jáne odan joǵary jastaǵy 64 adam bar eken. Ekinshi orynda turǵan Almaty qalasynda 100-den asqan 48 adam bar. Úshinshi orynda Almaty oblysy tur, onda 100 jáne odan joǵary jastaǵy 38 adam turady.
Eń qart otandastarymyzdyń úshtigi boıynsha Ulytaý oblysy turǵyny – 114-te, Pavlodar oblysyndaǵy qart – 112-de, Túrkistan oblysynda turatyn qart – 110-ǵa kelgen.
Esterińizge salaıyq, jyl saıyn búkil álemde, onyń ishinde Qazaqstanda da 1 qazanda Halyqaralyq qarttar kúni atap ótiledi. Atalǵan merekeni 1990 jyly 14 jeltoqsanda Birikken Ulttar Uıymynyń Bas Assambleıasy 45 sessııada jarııalady.