PETROPAVL. 28 sáýir. Soltústik Qazaqstanda Qazaqstan Respýblıkasy Prezıdenttiniń saılaýy barlyq jaǵynan joǵary deńgeıde ótti. Saılaýda prezıdenttikke kandıdat Nursultan Nazarbaev aıqyn basymdyqpen jeńiske jetti. Halyqtyń yqylysy, Elbasyna degen senimi zor boldy. Bul týraly egemen.kz tilshisi habarlady.
Saılaýda jastar da belsendilik tanytty. Solardyń biri - oblystyq depýtattar qaýymdastyǵynyń tóraǵasy Vladımır Vıtchenko Elbasymyzdyń saılaýdaǵy tamasha jeńisi elimizdiń aldaǵy damý joldaryn aıqyndap, berik negiz salyp bergenin aıtady. «Men ózim Nursultan Ábishulynyń senimdi tulǵasy retinde jastarmen kóp júzdestim. Sonda olardyń Prezıdentimizdiń saıasatyn tolyq qoldaıtynyn baıqadym. Bul tekten-tek emes. Álem moıyndaǵan tulǵa tútini túzý ushqan ortaq shańyraqtyń ál-aýqaty men turmysyn az ýaqyttyń ishinde túzeı bildi. Onyń ishinde óskeleń urpaq úshin de barlyq jasaı jasalǵan. Memlekettik baǵdarlamalardyń qaı qaısysyn alsaq jastar muraty birinshi kezekte eskeriledi», dedi ol.
Sonymen birge ol Memleket basshysy salamatty ómir saltyna da úlken kóńil bólip kele jatqanyn, sáýletti sport ǵımarattary turǵyzylyp, materıaldyq-tehnıkalyq bazalar nyǵaıtylýda ekenin, jaqynda oblysta zamanaýı sport saraıy ashylyp, ataqty veloshabandoz, London Olımpıadasynyń altyn júldegeri Aleksandr Vınokýrovtyń esimimen atalatynyn aıtty.
«Búginde qazaqstandyqtar úshin tórtkúl dúnıe esigi ashyq. Men kekýshınkaı-karateden ulttyq komandanyń quramynda Eýropa men Azııa elderin sharladym. Tabanymyz tıgen árbir elde bizdi qushaq jaıa qarsy alyp, qonaqjaılylyq tanytty. Sebebi, barǵan jerlerimizde Nursultan Nazarbaevty bilmeıtin adam kemde-kem. Maǵan Elbasymyzdyń qatysýymen ótken is-sharalarda bolý baqyty da buıyrdy. Solardyń birinde maǵan qol berip amandasqanyn eshqashan umytpaımyn. Osy bir sát boıyma orasan qýat-jiger berip, qanattandyrdy, alǵa umtyldyrdy», dedi ol.
Onyń aıtýynsha, qazir jastar úshin de «Qazaqstan – 2050» Strategııasy, «Nurly Jol» baǵdarlamasy, bes halyqtyq reforma basty baǵdarlar bolyp qala beredi. Beıbitshilik pen kelisim-kózdiń qarashyǵyndaı saqtalatyn jalpyhalyqtyq baılyǵymyz. Prezıdentimizben birge jańa jeńisterge jete beretin bolamyz.
О́mir Esqalı.
Derek, sýret: egemen.kz