QOSTANAI. 28 sáýir. Qostanaıda eki kúnde bes kólik qoldy boldy. Polıseıler turǵyndarda jeńil kólik kóbeıgen saıyn soǵan sáıkes urlyq sany da artyp otyr dep sanaıdy. Jyl basynan beri Qostanaıda 100 mashına urlanyp, sonyń 80-ni ashyldy. Bul týraly alau.kz habarlady.
Negizinen aýlada, kóshede qoıǵan kólikter urlanatyn. Sońǵy kezderi urylar aqyly turaqtan da kólikterdi qaǵyp ketetin boldy. Urylar 69 jastaǵy zeınetkerdiń «VAZ-21063» mashınasyna qol salǵan. Polıseılerdiń jedel qımyly nátıjesinde onyń izi sýymaı ustaldy. 18 jastaǵy ury mashınany urlaǵanymen qoımaı, ony soǵyp, búldirip te úlgergen.
Polıseılerdiń aıtýynsha, túngi saǵat 2-den tań atqanǵa deıin mashına urlaýǵa óte qolaıly bolyp sanalady eken. Mysaly, Qarabalyq poselkesi turǵynynyń adamdardyń kóz aldynda turady dep, janar-jaǵar maı beketi aldyna qoıǵan «Lada-21901» mashınasyn túngi saǵat 3-te qaǵyp ketken. Qostanaı aýdanynan barǵan 35 jastaǵy uryny polıseıler bir táýliktiń ishinde ustaǵan. Biraq mashına isten shyqqan.
Polıseıler kólikte qorǵanys quraldary kóp bolǵan saıyn urlyǵy tosqaýyl da myqty ekenin aıtyp otyr. Mashına ıesi kóliktiń esigin, bagajyn, kapotyn, sıgnaldaryn jıi tekserip otyrýy kerek deıdi. Sonymen qatar, polıseıler mashına qoıatyn turaqtyń adam kóp júretin, ashyq jerde bolýyna keńes beredi.
Názıra Járimbetova.
Derek, sýret: alau.kz